ဒလမြို့နယ် စံပြတံတားချောင်းရပ်ကွက်မှ စအိုပေါက်မပါသောကလေးငယ်
ကလေးအမည်မှာ မပိုပို(ခေါ်) ချယ်ရီဦးဖြစ်ပါသည်။အသက်မှာ ၇ နှစ်ကျော် ၈နှစ်ခန့်ရှိသည်။ မွေးစဉ်ကတည်းက စအိုပေါက်မပါကြောင်းသိရသည်။ အသက် နှစ်လခန့်တွင် ကလေးဆေးရုံသို့ (၂)ကြိမ်သွားရောက်ပြသဖူးသည်။ ဆရာဝန်များက ခွဲစိတ်ရမည်ဟုပြောသော်လည်း ငွေကြေး မတတ်နိုင်သောကြောင့် ခွဲစိတ်မှုမခံယူခဲ့ သည်မှာ ယခုအထိတိုင်အောင်ဖြစ်သည်။ စအိုပေါက်မပါသဖြင့် ဆီးသွားလမ်းကြောင်းမှ ၀မ်းသွားနေရပြီး ဗိုက်မှာ ပူနေသည်။ ၀မ်းမှာ အချိန်ပြည့် နည်းနည်းချင်းစီထွက်နေသည်။ လှုပ်လှုပ်ရှားရှားပြုလုပ်ပါက ပိုပြီးထွက်သည်။တစ်ခါတစ်ရံ ၀မ်းလျှောသည်။ဝမ်းချုပ်လျင် ဗိုက်မှာ ပိုပိုပြီးပူလာသည်။ ၀မ်းချုပ်ခံလို့မရပါ။ကလေးမှာ ကျောင်းနေရမည့် အရွယ်ဖြစ်သော်လည်း ကျောင်းမနေပါ ။ အမြဲတမ်းဝမ်းများပေးကျံနေသောကြောင့်၏ အခြားကလေးများအနှောင့်အယှက်ဖြစ်မည်ကိုစိုးရိမ်ခြင်း၊ စီးပွားရေး အခြေအနေမကောင်းခြင်း တို့ကြောင့်ပင်ဖြစ်သည်။.
မိသားစုအခြေအနေမှာ ဖခင်ဖြစ်သူကိုလှဦးသည် ဆိပ်ကမ်းတွင် ကုန်တင်ကုန်ချ အလုပ်ကို လုပ်ကိုင်သော အလုပ်သမားတစ်ယောက်ဖြစ်သည်။တစ်နေ့လျင် ပုံမှန် ၂၀၀၀ကျပ်ခန့်ဝင်သည်။ မိခင်ဖြစ်သူ မပုလဲမှာ အခြားအိမ်မှ အ၀တ်များလျှော်ဖွတ်သည်။ စီးပွားရေး အခြေအနေမှာ တော်တော် မပြေလည်ပါ။သားသမီးမှာ စုစုပေါင်းသုံးယောက်ရှိပြီး မချယ်ရီဦးမှာ အကြီးဆုံး ဖြစ်သည်။ ကျန်အငယ်နှစ်ယောက်အနက် တစ်ယောက် (အလတ်)ကို မပုလဲ၏အမများမှ ခေါ်ယူကျွေးမွေးထားသည်။ အငယ်ဆုံးမှာ ၂ နှစ်နှင့် လေးလရှိပြီဖြစ်သည်။ ၀င်ငွေထွက်ငွေ မမျှတခြင်း ကြောင့် ကလေးကို ဆေးကုရန်မှာ အဆင်မပြေပါ ။အိမ်မှာလည်း မြေငှားနေရခြင်းဖြစ်ပြီး တစ်လလျင်(၃၀၀၀)ကျပ်ပေးရသည်။အိမ်မှာ(၈)ပေပတ်လည်ခန့်ရှိပြီး တော်တော် ကျဉ်းလေသည်။ အိမ်မှာ ၀ါးခင်း၊ဓနိမိုး၊ထရံကာဖြစ်သည်။
ဆင်းရဲချို့တဲ့သောမိသားစုဖြစ်သည်။
ကလေးအခြေအနေမှာ အမြန်ဆုံးခွဲစိတ်မှုခံယူလျင် ပိုကောင်းမည်ဖြစ်ပါသည်။ ဒီမွေးရာပါချို့ယွင်းချက်လေးတစ်ခုကြောင့် လူစဉ်မမီဖြစ်နေသော ကလေးငယ်အား မိမိတို့စေတနာ တတ်အားသမျှကူညီဖေးမကြဖို့ စေတနာရှေ့ထား အသိပေးနှိုးဆော် လိုက်ရပါတယ်ခင်ဗျာ။
No comments:
Post a Comment